Paralajmërohet protestë në Prishtinë kundër ngritjes së çmimit të naftës!

Çmimet e naftës dhe derivateve të saj, kanë arritur nivelin më të lartë që nga paslufta në Kosovë.

Për të frenuar ngritjen e mëtutjeshme ka pasur kërkesa në drejtim të Qeverisë për uljen ose largimin e akcizës dhe TVSH-së për derivatet, shkruan Reporteri.net.

Qytetarët kanë filluar të mobilizohen duke paralajmëruar edhe protestë kundër rritjes së mëtutjeshme të çmimit të derivateve.

Një grup i formuar me emrin “Protestë kundër çmimeve të naftës në Kosovë”, ka ftuar qytetarët që të bashkohen për të kundërshtuar në rrugë rritjen e mëtutjeshme.